ໂຮງງານຜະລິດຕະພັນເບຕົງ ທີ່ຂຶ້ນກັບລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ (ກຕຟ) ໄດ້ສ້າງຕັ້ງຂຶ້ນປີ 1983 ໃນຂອບໂຄງການໄຟຟ້າຊົນນະບົດທົ່ງຮາບວຽງຈັນ ເຊິ່ງແມ່ນລັດວິສາຫະກິດໄຟຟ້າລາວ ເປັນເຈົ້າຂອງໂຄງການ ແລະ ເປັນໂຮງງານຜະລິດເສົາໄຟຟ້າແຫ່ງທຳອິດໃນ ສປປ ລາວ ມີໜ້າທີ່ຜະລິດເສົາໄຟຟ້າຮັບໃຊ້ການຂະຫຍາຍລະບົບໄຟຟ້າລົງສູ່ ຊົນນະບົດທົ່ງຮາບວຽງຈັນ.
ພາຍຫຼັງໂຄງການໄຟຟ້າຊົນນະບົດທົ່ງຮາບວຽງຈັນ ສິ້ນສຸດລົງ ມາຮອດປີ 1989 ໂຮງງານດັ່ງກ່າວກໍໄດ້ສືບຕໍ່ຜະລິດເສົາໄຟຟ້າ ໃຫ້ລັດວິສາຫະກິດໄຟຟ້າລາວ ຕາມແຜນການປີ 1991 ໄດ້ແຍກຕົວມາເປັນບໍລິສັດຜະລິດຕະພັນເບຕົງລາວ ແລະ ໄດ້ຫັນໄປຜະລິດຕະພັນເສີມຄື: ກະເບື້ອງມຸງຫຼັງຄາ ທໍ່ລອດທາງ ເສົາເຂັມ… ແລະ ມາຮອດປີ 2007 ໂຮງງານດັ່ງກ່າວໄດ້ຖືກໂອນມາຂຶ້ນກັບ ກຕຟ ແລະ ໄດ້ມີການຟື້ນຟູວຽກງານທຸກຢ່າງ ມີການປັບປຸງການຈັດຕັ້ງ ເສີມພາຫະນະ ກໍຄືບຸກຄະລາກອນຄືນໃໝ່ ເຊິ່ງເປັນຜົນໃຫ້ໂຮງງານກ້າວສູ່ທຳການຜະລິດຢ່າງປົກກະຕິ ແລະ ມີການຂະຫຍາຍຕົວເປັນກ້າວໆມາ ພ້ອມດຽວກັນກໍສາມາດຮັບປະກັນການສະໜອງຜະລິດຕະພັນໃຫ້ບັນດາ ໂຄງການຕ່າງໆ ແລະ ໄດ້ມີການຂະຫຍາຍການຜະລິດຂຶ້ນຕື່ມ ໂດຍສະເພາະເສົາໄຟຟ້າ 8 ແມັດ 12 ແມັດ ແລະ ໄດ້ຜະລິດຄອນສາຍເບຕົງອັດແຮງ ແຕ່ປີ 2009 ເປັນຕົ້ນມາ.
ເພື່ອບັນລຸເປົ້າໝາຍແຫ່ງຄວາມເຊື່ອໝັ້ນຂອງສັງຄົມຢ່າງໝັ້ນຄົງ ກໍຄືໄດ້ຮັບການຢັ້ງຢືນມາດຕະຖານສາກົນ ຄະນະນຳ ກຕຟ ທຸກຂັ້ນ ກໍໄດ້ເອົາໃຈໃສ່ຮ່ຳຮຽນຖອດຖອນບົດຮຽນຈາກຫຼາຍໆໂຮງງານທີ່ໄດ້ຮັບ ໃບຢັ້ງຢືນມາດຕະຖານມາແລ້ວ ຈາກນັ້ນກໍໄດ້ຄັດເລືອກບໍລິສັດທີ່ປຶກສາ ຮ່ຳຮຽນບັນດາເອກະສານມາດຕະຖານຄຸນນະພາບ ໄປຜັນຂະຫຍາຍລົງສູ່ວຽກງານຕົວຈິງຢ່າງປົກກະຕິ ຜ່ານການກວດສອບ ມາເຖິງເດືອນສິງຫາ 2011 ໂຮງງານຜະລິດເບຕົງ ຈຶ່ງສາມາດໄດ້ຮັບໃບຢັ້ງຢືນມາດຕະຖານ ISO 9001: 2008 ຈາກປະເທດອັງກິດ ເປັນທາງການ ແລະ ໄດ້ຈັດມອບໃບຢັ້ງຢືນນີ້ໃຫ້ໂຮງງານຜະລິດເບຕົງຂອງ ກຕຟ ຂຶ້ນວັນທີ 15 ກັນຍາ 2011 ຢູ່ໂຮງແຮມດອນຈັນພາເລດ ເຊິ່ງກ່າວມອບໂດຍທ່ານ ໄພສານ ຄົງປະສານການ ຕາງໜ້າບໍລິສັດ GGM ປະເທດໄທ ແລະ ກ່າວຮັບໂດຍທ່ານ ອຳພອນ ພົມມະຈັນ ຮອງອຳນວຍການໃຫຍ່ ກຕຟ ໂດຍມີທ່ານ ສົມບູນ ລາຊາສົມບັດ ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ທ່ານ ໄຊເຊັງລີ ເຕັງເບຼຍຈື ປະທານຄະນະປັບປຸງທຸລະກິດແຫ່ງຊາດ ແລະ ພະນັກງານກ່ຽວຂ້ອງເຂົ້າຮ່ວມ.
ຕອນບ່າຍຂອງ ວັນທີ 31/12/2008 ທີ່ສຳນັກງານໃຫຍ່ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ, ທ່ານ ສຸລິວົງ ດາລາວົງ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ວ່າການກະຊວງພະລັງງານ ແລະ ບໍ່ແຮ່, ໄດ້ມາໂອ້ລົມພະນັກງານແລະກຳມະກອນ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ 
ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ (ກ.ຕ.ຟ) ໄດ້ຈັດພິທີສະຫລຸບຜົນງານ 6 ເດືອນຕົ້ນປີ ແລະ ຜ່ານແຜນການ 6 ເດືອນທ້າຍປີ 2008 ພ້ອມທັງການຍ້ອງຍໍຜົນງານ 30 ປີ (1975 – 2005) ພິທີດັ່ງກ່າວໄດ້ມີຂຶ້ນໃນຕອນແລງທີ 16 ກັນຍານີ້ ໂດຍການເຂົ້າຮ່ວມຂອງທ່ານ ໄຊ ເຊັງລີ ເຕັງເບຼຍຈື ລັດຖະມົນຕີປະຈຳສຳນັກງານນາຍົກລັດຖະມົນຕີ ປະທານຄະນະປັບປຸງທຸລະກິດແຫ່ງຊາດ. 
ເນື່ອງຈາກມີຝົນຕົກຫນັກ ແລະ ລະດັບນ້ຳຂອງຍືງຂຶ້ນ ກາຍລະດັບລະວັງໄພ. ເມື່ອມີໄພທຳມະຊາດ ມາຄຸກຄາມ ນະຄອນຫລວງວຽງຈັນ. ຊາວນະຄອນຫລວງວຽງຈັນ ກໍ່ຄືພະນັກງານ ກຳມະກອນ ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ ໄດ້ພ້ອມໃຈກັນ ຕະລຸມບອນ ຕ້ານນ້ຳຖ້ວມ ທັງເວັນແລະຄືນ 
